بنوصّل لكل محافظات مصر
الشحن والتوصيل
هدفنا إن مرتبتك توصلك في أسرع وقت وبأحسن حالة – ودي كل خطوات التوصيل بوضوح.
1
مناطق التوصيل
- بنوصّل لكل محافظات مصر: القاهرة والجيزة، والإسكندرية، والوجه البحري، والصعيد، ومدن القناة.
2
مدة التوصيل
- القاهرة والجيزة: من 4 لـ 7 أيام عمل.
- الإسكندرية والوجه البحري: من 5 لـ 10 أيام عمل.
- الصعيد والمحافظات البعيدة: من 5 لـ 10 أيام عمل.
- المقاسات الخاصة والمراتب المصنّعة حسب الطلب: بنبلّغك بالمدة قبل تأكيد الطلب.
- أيام العمل من السبت للخميس، والجمعة والإجازات الرسمية مش محسوبة.
3
مصاريف الشحن
- شحن مجاني للطلبات من 6,000 جنيه – طول فترة العرض.
- غير كده، مصاريف الشحن بتختلف حسب حجم المنتج والمحافظة، وبتظهرلك في السلة قبل ما تأكد الطلب أو بيبلّغك بيها فريقنا وقت التأكيد.
- المراتب بتتشحن مع مندوب متخصص عشان توصل سليمة، فمصاريفها ممكن تكون أعلى من المنتجات الصغيرة.
4
تأكيد الطلب قبل الشحن
- بعد ما تطلب من الموقع، بنكلّمك تليفون أو واتساب نأكد العنوان والبيانات والمقاس.
- مفيش طلب بيتشحن غير بعد التأكيد النهائي ووصول العربون.
- لو مقدرناش نوصلك خلال 48 ساعة، ممكن الطلب يتعلّق أو يتلغي.
5
الاستلام والمعاينة
- التوصيل لحد باب العمارة، وفي بعض الأماكن لحد باب الشقة حسب شركة الشحن.
- افحص التغليف والمرتبة قدّام المندوب قبل ما تدفع الباقي وتستلم.
- لو التغليف فيه تلف واضح، ارفض الاستلام وكلّمنا على طول.
- لو ظهر عيب صناعة بعد الفتح، بنستبدلها حسب الاسترجاع والاستبدال والإلغاء.
- اتأكد إن المداخل والسلالم تسمح بمرور المرتبة بحجمها الكامل، وأي ضرر بسبب إدخالها في مكان ضيق أو استخدام ونش مسؤولية العميل.
6
لو التوصيل ماتمّش
- التوصيل ممكن مايتمّش بسبب عنوان غلط، أو عدم الرد على التليفون، أو رفض الاستلام من غير سبب.
- في الحالات دي، مصاريف الشحن رايح جاي على العميل وبتتخصم من العربون، وإعادة التوصيل ليها تكلفة إضافية حسب شركة الشحن.
7
متابعة طلبك
- بتوصلك رسالة لما الطلب يتشحن.
- تقدر تتابع حالة طلبك في أي وقت على واتساب 01599999797.
- يوم التوصيل بنبعتلك رقم المندوب لو متاح.
8
التأخير والتخزين
- لو الطلب جهز وماستلمتهوش خلال 10 أيام عمل من إخطارك، بيتحسب رسوم تخزين 50 جنيه في اليوم.
- لو ماستلمتش خلال 30 يوم من الإخطار، الطلب بيتلغي والعربون بيتخصم – زي ما هو مكتوب في الشروط والأحكام.
آخر تحديث: نوفمبر 2026